Fortsæt til indhold

ILINNIARTOQ

Issittumi Tunngaviusumik Ilinniarfik

Læs siden på dansk

Issittumi ataatsimoorfissatsialak

 

Kalaallit Nunaanni inuiaqatigiinni upalungaarsimaniarneq qajannaassuserlu nukittorsarniarlugu nunatsinni ilinniarfimmut peqataalerusuppit? Siunissamik pitsaasumik tunngavileerusuppit aamma ulluinnarsiutit pissanganartuutikkusuppigit sakkutuutullu upalungaarsimaniarnerullu iluani piginnaasaqalerusullutit? Taava Issittumi Tunngaviusumik Ilinniarfik ilinnut tulluarsinnaavoq. Issittumi Tunngaviusumik Ilinniarfimmi atuartutut upalungaarsimaniarnermi toqqammaviliisussamik piginnaasassat pigilissavatit Illersornissaqarfiullu iluani ilinniaqqinnissannut periarfissanik ammaassissalluni.

Ataatsimoorluni sakkutooqarfimmi Issittumi Tunngaviusumik Ilinniarfik toqqammaviliisussatut ilinniarfiuvoq, piumaguillu Sakkutuut Imarsiortut, Sakkutuut Timmisartortartut, Nunami Sakkutuut Illersornissaqarfiulluunniit iluani ilinniaqqinnissannut sulilernissannullu periarfissiisoq. Sakkutuutut piginnaasanik upalungaarsimaniarnerullu iluani suliaqarsinnaanissannut piginnaasaqalernissannut periarfissaqarputit, ataatsimoorfitsialammiilissaatit inuillu sakkutooqarfiup iluani sulisut assigiinngitsut suleqatigilissallugit.

Ilinniarneq qaammatini arfinilinni tunngaviusumik ilinniarneruvoq. Ilinniartinneqarnermi sungiusarneqarnermilu timikkut tarnikkullu qajannaannerulernissaq nukittunerulernissarlu anguniarlugu ilitsersorneqarlutillu sungiusarneqassaatit aammattaaq suliaqarfinni unamminartuni pinartoqartillugu qanimut allat peqatigalugit sulisinnaaneq ilinniassallugit.

Tunngaviusumik ilinniarnerup kingorna, qaammatit arfinillit tungaanut suliffeqarfinni/pisortaqarfinni aalajangersimasuni misileraallutit ingerlariaqqinnissannut periarfissaqassaatit, tassani sakkutooqarfiup iluani suliffeqarfinniluunniit piginnaasarilikkatit ilinniakkatillu piviusorsiortumik misilerarnissaannut periarfissaqassallutit.

 

Paasisaqarnerorusuppit?

Issittumi Tunngaviusumik Ilinniarneq pillugu paasisaqarnerorusukkuit oqarasuaat +45 40454533 sianerfigisinnaavat tamannalu ataasinngornermit tallimanngornermut nal. 09:00-14:00 attavigineqarsinnaavoq. (maluginiaruk Kalaallit Nunaanni nalunaaquttamit akunnerit pingasut siulliummata)

ULLUINNAAT IMAASSAPPUT

Ilinniarnerma nalaani akissarsiat qanoq issappat?
Qaammammut 9.034,17 kr. Taakkualu saniatigut ineqarneq, nerisaqarneq, angalaneq, atisat assigisaallu akeqanngillat.

Ilinniarneq qanoq sivisutigiva?
Qaammatit 6-12.

Sumi najugaqassaanga?
Piffissaq tamakkerlugu sakkutuut inissiisarfiini nutarterneqarsimasuni ineqartinneqassaatit.

Ilinniarneq sumi ingerlanneqassava?
Ilinniarneq annermik Kangerlussuarmi ingerlanneqassaaq, aammattaarli Sisimiuni Qallunaat Nunaanni Jyllandip avannaatungaani atuartitsisoqassalluni.

Qaqugu qinnuteqarfissaq kingulleq?
-

Qaqugu misilitsikkiartorsinnaavunga?

Ilinniartitaanermut ullut
27. aggusti - Qaanaaq (Majoriaq)
01. septembari - Maniitsoq (Majoriaq)
03. septembari - Paamiut (Majoriaq)
05. septembari - Narsaq (Majoriaq)
09. septembari - Nanortalik (Majoriaq)
15. septembari - Tasiilaq (Majoriaq)

Ilinniartitaaneq pillugu paasititsiniaalluni angalaneq
21. oktobari - Ilulissat (Majoriaq)
23. oktobari - Aasiaat (GUX)
24. oktobari - Aasiaat (Majoriaq)
27. oktobari - Sisimiut (KTI)
28. oktobari - Sisimiut (Majoriaq)
30. oktobari - Nuuk (GUX)
31. oktobari - Nuuk (Majoriaq)
04. novembari - Qaqortoq (Majoriaq)
05. novembari - Qaqortoq (Campus Kujalleq)

Issittumi Tunngaviusumik Ilinniartitaaneq illit eqqannut tikippat nalunaarfigineqartassaatit

QINNUTEQANNGINNINNI MISILITSEQQAASSAATIT

Qaqugu aallartissaanga?
-


Print

ILINNIALERNISSAMUT PIUMASAQAATIT

Ilinniarnissamut qinnuteqannginninni:

  • Ilinniarnerup aallartinnerani 18-ileereersimassaatit.
  • Kalaallit Nunaanni najugaqassaatit.

Ilinnialerniarlutit:

Misilitsinneq:

  • Nalinginnaasumik:
    Ilinniarneq ilinnut naleqquttuunersoq paasiniarlugu, Issittumi Tunngaviusumik Ilinniarneq pillugu ulluinnaallu qanoq issanersut misilitsinnermi paasisaqassaatit. Allattariarsornikkut misilitsissaatit ilinnialernissannullu naleqqunnerlutit paasiniarlugu peqqissutsit nakorsamit misissorneqassalluni. Issittumi Tunngaviusumik Ilinniartitaaneq illit eqqannut tikippat nalunaarfigineqartassaatit
  • Allattariarsornikkut misilitsinneq (kalaallisut qallunaatulluunniit):
    Allattariarsornikkut misilitsinneq akunneq ataaseq missiliorlugu sivisussuseqarpoq. Misilitsinnermi pisunik eqqarsarsinnaassutsit ilutsinillu katiterisinnaassutsit misilittarneqassaaq.
  • Peqqissutsip misissorneqarnera:
    Peqqissutsip misissorneqarnera marloqiusamik ingerlanneqartarpoq.
    Siullermik uuttortarneqarlutillu oqimaalutarneqassaatit aammalu isigisinnaasatit tusaasinnaasatillu misissorneqassallutik. Misissortinnermi atisat atorneqaannartarput – kamippalli peerneqassallutik. Misissortinnerup aappaa nakorsami pisarpoq, taassumalu peqqissutsit misissussavaa nalilersussallugulu ilinnialersinnaanersutit. Misissortinneq nakorsami ingerlanneqartarpoq, iluatigullu atisat taamaallaat atorneqartarlutik.

Misilitsinneq ingerlakkukku, nakorsallu ilinnialersinnaanerarpatit, taava Issittumi Tunngaviusumik Ilinniarnissamut qinnuteqarsinnaavutit, taakkualu saniatigut Danmarkimi ilinniarfissat, Upalungaarsimanermut Aqutsisoqarfiup ataaniittut qinnuteqarfigisinnaassallugit ukuusut:

sakkutooqarnerup iluani ilinniarfissat.

ILINNIARNERUP AAQQISSUUSSAANERA

  • Sapaatip-akunneri 18-it

  • Sapaatip-akunneri pingasut

  • Sapaatip-akunneri pingasut

  • Qaammatit arfinillit tungaanut

Issittumi Tunngaviusumik Ilinniartut ulluinnai takukkit

Arktisk basisuddannelse

SIUNISSARA

 

Ilinniarfimmik naammassinnikkuit ilinniarmik uppernarsaat oqaaseqaallu Issittumi Sakkutooqarfimmit kiisalu suliffeqarfimmit/pisortaqarfimmit assigiinngitsuni misileraaffinnit pigilissavatit. Ilinniarfimmi naammassinninnikkut Illersornissaqarfiup iluani ilinniarfinni, Kalaallit Nunaata politiinngorniarfiani, Illersornissaqarfiup iluani qatserinermi, annaassiniaanermi upalungaarsimaniarnermilu attuumassutilinni ilinniaqqinissannut ingerlaqqinnissamik qinnuteqarsinnaavutit.