Værnfælles
Professionel soldat
ISSITTUMI TUNNGAVIUSUMIK ILINNIARFIK
Ansøgningsfrist: 6. december 2026
Studiestart: August 2027
Uddannelseslængde: Qaammatit 6-it + qaammatit 6-it tungaanut suliffeqarfinni misileraaneq
Sted: Kangerlussuaq. Angalanertaqarluni Nuummut, Sisimiunut Nordjyllandimullu
Løn under uddannelse: 9000 kr./qaammammut
Hvor kan jeg bo?: Sakkutuut ineqarfiani
Issittumi ataatsimoorfissatsialak
Paaserusuppiuk qanoq upalungaarsimaniarnermut sulineq imaluunniit sakkutuutut inuuneq innersoq?
Issittumi Tunngaviusumik Ilinniarfik qaammatinik arfinilinnik sivisussusilimmik ilinniarfiuvoq ilinnut Kalaallit Nunaanni najugaqartuusumut upalungaarsimaniarnermut sakkutuutullu ilinniarnermut soqutiginnittoq.
Suleqatigiinnermut aammalu nammineq issittumi aniguisinnaanermut tunngasunut ilikkagaqassaatit.
Timikkut eqqarsartaatsikkullu nukittorsaaqataasussanik ilinniartinneqassaatit - aallaaviit apeqqutaatinnagu ingerlaavartumik ineriartornissat pingaartinneqarluni.
Ilinniarneq naammassigukku ilinniarsimanermut uppernarsaammik pissaatit ingerlariaqqiffissannullu periarfissanik ammaatsitsissalluni: Illersornissaqarfimmi, Kalaallit Nunaanni upalungaarsimasuni imaluunnit sakkutuujunngitsuni suliffeqarfinni.
Uani ataani atuarsinnaavat qanoq ilinniarnerup immikkoortortai immaqarnersut, qinnuteqarnissamut piumasaqaatit aammalu qanoq misilitsissinnaanerlutit.
Ilinnialernissamut piumasaqaatit
Faglige krav
- Oqaatsit tungaatigut piumasaqaatitaqanngilaq. Ilitsersuineq kalaallisut danskisullu ingerlanneqartarpoq, nutserisoqartuaannarlunilu.
- Ilinniarsimanissannut piumasaqaatitaqanngilaq.
Øvrige krav
- Ilinniarnerup aallartiffiani 18-ileereersimassaatit.
- Kalaallit Nunaanni najugaqassaatit.
- Misilitseqqaarsimassaatit qinnuteqannginninni. Misilitsissimanngikkuit qinnuteqaatit akuerineqarnavianngilaq.
- Sakkutooqarfiup peqqissutsikkut piumasaqaatai eqquutsissavatit. Misilitsinnermi tamanna misissorneqartarpoq.
- Tigusaasinnaasutut nalilerneqarsimassaatit, misilitsissimanerit inernera tunngavigalugu.
- Kalaallit Nunaata avataani najugaqaruit, eqqumaffigissavat ilinniarfimmut tigusaasinnaanissamut una aamma piumasaqaataammat: Kalaallit Nunaanni imaluunnit Savalimmiuni minnerpaamik ukiuni qulinik najugaqarnikuusimassaatit taamatullu inatsitigut værnepligt-mut ilanngunneqannginnissat periarfissaralugu. Inatsit uaniippoq: bekendtgørelsen om værnepligt § 1, stk. 3.
- Isumannaallisaanikkut akuerisaassaatit.
Misilitsinneq imatut ingerlanneqartarpoq
Misilitsinnermi sumik pissarsiaqarsinnaavit?
Issittumi Tunngaviusumik Ilinniarneq pillugu ulluinnaasinnaasullu qanoq issinnaanerinik misilitsitsiffimmi paasisaqarnerusinnaavutit. Ilinniarneq sunik piumasaqaateqarneranik ilisimaarinninnerulissaatit - ilinnullu naleqquttuunersoq paasinerullugu. Allattariarsornikkut misilitsissaatit aamma peqqissutsit nakorsamit misissorneqassallutit.
Tikilluaqqusineq ilisarititsinerlu
Ilisarititsineqassaaq aamma ulluinnarsiutaasinnaasunik, suliarisartakkanik piumasaqaatinillu paasisaqarnerullutit. Ilinniarneq pillugu eqqortumik ilisimaarinnissinnaanissat aamma qinnuteqarnissannut aalajangiisuusinnaasunik ilisimaarinninnissat siunertaavoq.
Allattariarsorluni misilitsinneq
Allattariarsornikkut misilitsinneq (silappaarissutsimut allattariarsornikkut misilitsinneq) kalaallisut qallunaatulluunniit ingerlanneqarsinnaasoq akunnerlu ataaseq missiliorlugu sivisussuseqarluni.
Ukunani misilitsissaatit:
- Isumaliortaatsimut naleqqussuseq
- Ilutsit assigiinngitsunik katiterisinnaassuseq
Misilitsinneq tamakkiisumik nalilersuinermut ilinniarfimmullu piareersimassutsimut takusassiatut ilaassaaq.
Peqqissutsimik misissortinneq
Peqqissutsip misissorneqarnera marloqiusamik ingerlanneqartarpoq taakkualu peqqissutsikkut ilinniarfimmut piareersimanersutit takutitsisinnaapput.
- Siullermik uuttortarneqarlutillu oqimaalutarneqassaatit aamma tappissutsit tutsarissutsillu misissorneqassapput (immikkoortortaq taanna atisatit atorlugit ingerlanneqassaaq - kamippaqassanngilatilli)
- Misissortinnerup aappaani nakorsap misissornerussavaatit. Peqqissutsit qanoq innera nalinginnaasumik nalilersorneqassaaq (Nakorsami misissortinneq iluatigut atisat taamaallaat atorlugik ingerlanneqartarpoq.
Misilitsereernermi
Misilitsereersimanerpit kingorna Issittumi Tunngaviusumik Ilinniarfimmut qinnuteqarsinnaavutit. Nittartakkakkut qinnuteqarfissaq ”Qinnuteqarit” tooruk immersugassallu allattorlugit.
Qaqugu qinnuteqarsinnaanissannut misilitsissinnaavunga
Ilinniarfimmut misilitsinnissat periarfissarivat Sakkutooqarfik sineriami angalanerani, oktoberimi novemberimilu. Piffissat sumiiffiillu misilitsitsiffissat uani ataani takusinnaavatit aammalu ilinniarfiup Facebook-mi quppernerani takusinnaavatit (Arktisk Basisuddannelse).
Issittumi tunngaviusumik ilinniarfik illoqarfigisannut tikippat nalunaarfigineqarit
Piffissat mislitsitsiffissat allanngoriataarsinnaammata siumut oqaatigineqarsinnaanngitsumik pissuteqartumik, inassutigineqarpoq ilinniarfiup Facebook-mi quppernera aqqutigalugu allannguuteqarnersoq nakkutiginissai.
Taakku periarfissarivatit misilitsinnissamut ilinniarfimmi hold-ip tullianut qinnuteqarsinnaaninnut.
Ilinniarnerup aaqqissuussaanera
Kangerlussuaq
9.000 kr./qaammammut taakkualu saniatigut akeqanngitsumik ineqarneq
Uani immikkoortortami Illersornissaqarfimmi upalungaarsimaniarnermilu suliaqarnermik tunngaviusumik ilinniartinneqassaatit. Immikkoortortap ingerlanerani sakkutooqarnerup upalungaarsimaniarnerullu iluani inuttut ataatsimoornermilu piginnaasat ilinniassavatit. Taakkulu ilinniarnerpit sinnerani ineriartuinnavissavatit.
Una immikkoortoq tassaavoq sakkutuutut tunngaviusumik ilinniarneq. Immikkoortup imarisai værnepligt-it tunngaviusumik ilinniarnerannit aallaaveqarput. Sakkutuutut pingaartinneqartartut, soorlu malinnilluarneq aamma piffissamik eqquisinnaaneq, uani naapissavatit. Ilinniagassatit ukuusinnaapput: aallaammik atuisinnaaneq, qanimut akersuunneq, sumiissusersiorneq, timersorneq, issittumilu ikiueqqaarneq.
Nuuk, Sisimiut aamma Kangerlussuaq
9.000 kr./qaammammut taakkualu saniatigut akeqanngitsumik ineqarneq
Immikkoortortami uani Kalaallit Nunaanni upalungaarsimaniarnerup iluani suliassat ilinniassavatit. Qatserinermut ilinniarneq Kalaallit Nunaanni upalungaarsimasuni ingerlassaaq. Politiitut suliassaasinnaasut pillugit ilinniarneri Kalaallit Nunaanni Politiini ingerlanneqassaaq.
Qatserisartuuneq pillugu ilinniarnermi ingerlatassaq tassaavoq Grunduddannelse Indsats, qatserinermut ilinniarnermi immikkoortoq siulleq. Tassani ilikkagassatit ukuupput: røgdykkertaktiki aamma tekniki, qatserineq, ajutoorsimanermi ikiueqqaarneq aammalu qatserisartut biilianik ingerlanneq. Taamatut ikuallannermi ajutoorsimanermiluunnit kisimiillutit suleqateqarlutilluunniit ikiuisinnaalissaatit.
Kalaallit Nunaanni Politiini ilinniarnermi reservebetjentitut suliassaasinnaasut ilikkassavatit. Ilikkagassatit ukuupput: politeeqarfik suliffeqarfitut aaqqissuunnera, upalungaarsimaneq, ujaasineq annaassiniarnerlu aammalu suliffeqarfiit allat suleqatiginerat. Ilisimaarinninnerulissaatit Kalaallit Nunaata Politiinngorniafianut tigusaanissamut suut piumasaqaataanersut. Politiini ilinniarnermi immikkoortoq aamma Issittumi Tunngaviusumik Ilinniarfik tamakkiisumik nammassinera politiinngorniarfimmut qinnuteqarsinnaanngortsitsipput.
Frederikshavn
9.000 kr./qaammammut taakkualu saniatigut akeqanngitsumik ineqarneq
Uani immikkoortortami sakkutuut imarsiortut suliai pillugit ilisimaarinninnerulissaatit. Ilikkassavatit imarsionermi tunngaviusumik suliassat pillugit, sakkutuut imarsiortut umiarsuaani sulinermi atugassatit.
Ilikkassavatit uku pillugit: imarmi ajutoorneq, erngartoqarneq, ikuallattuni minnernik qatserineq, røgdykning, annaassiniarnermut atortut, ikiueqqaarneq, aammalu imarmi angalaneq pillugu atuagarsorneq. Iinniarneq sivitsorlugu ingerlariaqqiffimmi (perspektiveringsforløb) sakkutuut imarsiortut umiarsuaani ilaallutit angalassaatit.
Kangerlussuaq, Nuuk, Sisimiut, imarsiornermi nuna avataani
9.000 kr./qaammammut taakkualu saniatigut akeqanngitsumik ineqarneq
Issittumi Tunngaviusumik Ilinniarfik naammassigukku, ilinniarneq sivitsorlugu ingerlariaqqinnissat (perspektiveringsforløb) toqqarsinnaavat. Ingerlariaqqinnermi ilinniarninni suli akissarsiaqassaatit. Ilinniartut amerlanerit ingerlariaqqinnissartik toqqartarpaat.
Ilinniarneq sivitsorlugu ingerlariaqqinneq (perspektiveringsforløb) atuagarsornermik aamma suliffeqarfinni sulinermi misileraanermik imaqarpoq. Kangerlussuarmiinnermi ilinniarnermi ingerlanneqartussat ukuupput: dronemodul, qimusserlutik alapernaarsuisuni Sirius-miit ilinniartinneqarneq, ukiukkut sungiusarneq, aammalu sakkutuut timmisartortartut atortagaat, Agile Combat Employment, pillugu ilinniarneq.
Nuummiinermi ingerlanneqassapput qatserinermut ilinniarnermi immikkoortoq aappaat, aputip sisoornerinik immikkut piginnasaqalernermut ilinniarneq, aammalu umiatsiamik annaassiniaammik aqutsisunngornermut ilinniarneq. Sapaatit akunnerit pingasut sakkutuut imarsiortut umiarsuaanut ilaallutit angalassaatit.
Kalaallit Nunaanni Politiini aamma Kalaallit Nunaanni Parnaarussiveqarfiinni sulinermik misiliissaatit. Suliffeqarfinni misiliinerit siunertarivaa ilinniarsimasatit timitalerlugit misilittaanissat.
Ilinniartut tamarmik assigiimmik ilinniassapput aamma assigiimmik sulinermik misileraassallutik.
Ilinniarneq naammassigukku suliffeqarfinniit misiliiffigisimasanniit oqaaseqaatinik pissarsiaqassaatit.
Smugkig på din hverdag som elev på Arktisk Basisuddannelse
Isiginnaarit: Issittumi Tunngaviusumik Ilinniartut ulluinnarsiutai takukkit
Isiginnaagassiap Issittumi Tunngaviusumik Ilinniarfimmi atuartunut ulluinnarsiutaasinnaasut sumilu issinneranik, sumiiffinnik aamma suleqatigiissinnaassutsimik pingaaruteqarluinnarsinnaasunik sinaakkusersukkami inuunermik takutitsivoq.
Suliassat nammineerlutit naammasisinnaalissavatit aammali suleqatigiilluarnikkut eqimattatut inississinnaalissaatit. Ilinniarnermi timikkut eqqarsartariaatsikkullu nukittorsarneqassaatit aamma Illersornissaqarfimmi kalaallillu upalungaarsimasuini atorsinnaasannik piginnaasaqalissallutit – suliaqarfinniluunniit allani iluaqutigisinnaavatit.
Ilinniarfik misigisatsialannik, akisussaaffimmik allanngueqataasinnaanermillu tunisisinnaavoq piginnaasaqalersitsisinnaallunilu.
Siunissara
Ilinniarneq naammassigukku ilinniarsimanermut uppernarsaammik kiisalu Issittumi Sakkutooqarfimmiit suliffeqarfinniillu misiliiffigisimasanniit oqaaseqaatinik pissarsiaqassaatit.
Issittumi Tunngaviusumik Ilinniarfik naammasinerani ingerlariaqqiffissat arlaliupput, assersuutigalugit: Illersornissaqarfiup ilinniarfiinut (Forsvarets funktionsuddannelser) imarsiortuni, timmisartortartuni nunamiittuniluunniit, aammalu qimusserlutik alapernaarsuisuni Sirius-mi ilinnialernissamut piareersarfimmut qinnuteqarsinnaavutit.
Aammalu Kalaallit Nunaata Politiinngorniarfianut qinnuteqarsinnaavutit - ilinniarnertuunngorniarfimmi soraarummeersimanngikkaluaruilluunniit. - aammalu Kalaallit Nunaanni upalungaarsimasunut qatserisartutut annaassiniartutulluunnit ingerlaqqissinnaallutit.
Miilu, Nanna Kuunalu naapikkit
Miilu, Nanna Kuunalu Issittumi Tunngaviusumik Ilinniarfimmi ilinniartut siulliit ilagisimavaat. Nanna Kangerlussuarminngaanneerpoq meeraallunili sakkutuunngornissani sinnattorisimallugu. Miilu Nuumminngaanneerpoq imminullu unammillerusussimavoq. Kuuna umiartuutigaluni ilinniarnikuuvoq. Ilinniarfik sakkutuut imarsiortunut ingerlariaqqinnissaminut atorniarpaa.
Issittumi Tunngaviusumik Ilinniarfik
Arktisk Basisuddannelse
Issitumi Tunngaviusumik linniarfik pillugu apeqqutigineqakulasut
Apeqqutissaqarpit
Issittumi Tunngaviusumik Ilinniarfik pillugu apeqqitussaqaruit ugguuna attaveqarfigisinnaavatsigut +45 21 24 55 25 imaluunniit +45 72 81 90 00, ataasinngornermiit tallimanngornermut nal. 07.00-11.00 (Danmarkimi nalunaaqutaq malillugu nal. 10.00-14.00.).
Aamma sineriami angalanitsinni ornigullutit naapissinnaavatsigut,